Արսեն Համբարձումյան. «Հուսով եմ, Մաքս Լեոնովի հետ մեր զույգը շարունակելու է փայլել Հայաստանի առաջնությունում»

— Առյուծներն առաջնության մեկնարկում ցույց են տվել առավելագույն արդյունք՝ 2-ից 2 հաղթանակ:
— Խաղը հիանալի ստացվեց, բայց բարդ էր։ Այլևս հեշտ թիմեր չկան։ Բոլորը ուժեղանում են։ Ավելի հետաքրքիր է դառնում խաղալ։ Դրա համար պետք է մարզվել, որպեսզի լինես լավագույնը։ Մենք դա անում ենք, ջանում ենք։ Բայց պետք է ավելի շատ աշխատել, ուժեղացնել։ Կփորձենք։

— ԲԿՄԱ-ն իրեն լավ դրսևորեց առաջին խաղերից։ Ի՞նչ կարող ես ասել նրանց խաղի մասին:
— Հետաքրքիր և համախմբված թիմ է։ Երևում է, որ յուրաքանչյուրը պայքարում է մյուսի համար։ Թեև թիմը նոր է, բայց կարծում եմ՝ արդեն համախմբվել են։ Նրանք նույնպես ցանկանում են ցուցադրել իրենց, հասնել առավելագույնին։ Դրա համար յուրաքանչյուր խաղով նրանց հետ խաղալն ավելի դժվար կլինի։ Հաջողություն եմ մաղթում նրանց։ Ուրախ եմ, որ մեր առաջնությունում նման թիմ կա։ Սպասելու ենք նոր թիմեր ևս։ ԲԿՄԱ-ին հաջողություն եմ ցանկանում։

— Ցանկանում եմ նշել ձեր զույգը Մաքսիմ Լեոնովի հետ։ Երեկ դուք հրաշալի համագործակցում էիք, նա քեզ նշել է հարցազրույցում։ Այսօր դու կարող ե՞ս նրան նշել հարցազրույցում:
— Իհարկե, իհարկե։ Նա իսկական վարպետ է, բազմաորակ վարպետ։ Ես հպարտ եմ և հաճույք եմ ստանում նրա հետ խաղերից։ Հուսով եմ, որ կշարունակենք առաջ գնալ և շարունակելու ենք փայլել Հայաստանի առաջնությունում։

Հաջորդ խաղային շաբաթավերջին «Առյուծները» դեկտեմբերի 21-ին՝ ժամը 11:00-ին, հանդիպելու են «Պղպեղների» հետ, իսկ դեկտեմբերի 22-ին՝ ժամը 23:00-ին, խաղալու են «Փյունիկի» դեմ։